|
| o岩o岩見到一個朋友update左xanga........之前因為一d少事攪到不愉快, 所以大家冇再聯絡....已經2個月了! 本來有d擔心佢, 有諗過好唔好打比佢, 問候下佢, 不過諗落係人地放棄同我做朋友先, 而且我生日都冇send sms比我......所以我覺得我都係唔好搵佢!! 人地應該討厭我了吧! 算了, 而家知佢冇事行得走得就好了! 之前佢話我次次拍親拖都唔好收場, 而我一直都係堅持勇於嘗試! 而今次, 我同浩龍到而家就黎2個月啦~ 雖然我有諗過分手, 原因係我既問題, 我覺得不夠自信同任何人拍拖, 不過經過petpet一句點醒左我, "唔通你想好似年頭果d咁, 拍得果幾日就收皮啦咩? 而家難得有個人好好地對你冇去放棄, 做乜又要自己去放棄? 加上你年紀都唔細啦, 拍得幾多年散拖?" oh~~~petpet果然係我level 3++既仆街!!! 我明白, 我唔會再咁易去放棄一段感情! 我會做得更好的!! 唔知我果位朋友仲會唔會睇我xanga? 如果有睇, 我想同你講, 我現在生活得很好, 男朋友很錫我, 我不再孤單一個了, 希望你都會同我一樣早日搵到你既伴侶! | | |
| 琴日胃痛......死左係屋企冇返工!! 由12點起左身, 食左少少野之後就一直發呆 &係梳化就"典"黎"典"去....... 5點, 浩龍收工打比我時我同佢講左我胃痛, 佢鬧人話我因為成日唔食野所以胃痛, 問駛唔駛過黎官塘買野比我食, 我諗左一陣, 雖然好想見佢, 不過特登由元朗坐車黎官塘買完野比我食之後就返去, 呢個行為我真係覺得極度憨鳩!!!! 所以我叫佢返屋企算吧啦~~~等佢返到屋企, 食左藥, 傾左一陣電話6點我叫佢訓一陣, 8點先叫 醒佢睇籃球! 點知.....我都訓著左!!! 8點電話響, 浩龍打黎, 問我係道做緊咩, 果時我o岩o岩醒左係道R緊PAT, (冇理由講真話O者) 咁咪話上緊網囉~ 點知佢叫我開門! 下?? 開門??? 開咩門呀??? 原來佢特登買左粥比我食, 呃鬼我話訓覺, 原來收左線就即刻坐車過黎, 佢話明知我一定唔食野, 所以買野黎比我食, 果一刻真係好SWEET架!!!! 同時心中亦響起一句......."憨鳩仔" 係其他人眼中, 一定會覺得佢呢個行為係正常男朋友既行為! 而且亦係理所當然,不過對我黎講呢一件係好SURPRISE既事!! 係一種好SWEET既SURPRISE!!! 因為以前冇男朋友會試過突然出現係我面前架!! 係咪應該要相信一下對方既感情, 接受對方既心意呢?! 要相信對方是真心愛自己的呢???? | | |
| 我地係咪唔夾? 究竟係我唔適合你, 定係你唔適合我? | | |
| 星期六 - 8月2日 今日約左仆街們幫我慶祝生日!!! 早段我地去左一休食日本野, 有PETPET, 豬豬, 基, 燊&FIFI, 食食下, 小強打比我話出黎搵我, 點知原來佢買左份生日禮物比我, 哈哈~~真係好驚喜呀!! 好耐冇見佢啦~之後我拉埋佢一齊同我去飲酒, 小鹿都有出黎比左份生日禮物我! 多謝哂!! 食完野, 因為FIFI唔舒服, 豬豬有事, 所以加埋燊3個人走先, 之後就JOIN埋浩龍起行去太子飲野! 當晚出席有, PETPET, 基, 臭薯, 亞毛&WING, JAY, 浩龍, 小強&ANDY, HAZEL同明仔! 我唔知發生咩事係咁同小強"亨杯"....就係咁.....我個生日城堡就攻陷了....... 星期日 - 8月3日 生日快樂~~~ 今日同浩龍去動漫節, 好多人.......不過都比我買到PANDA-Z既野~~~好開心呀!! 之後行左陣街, 坐船去尖咀食飯, 食有骨氣......OK啦, 可能我對食真係冇咩要求! 之後就返佢屋企訓覺LU..... 美中不足既係佢唔記得左同我去影相....算啦....反正我覺得未係時候同佢做呢回事.... 8月4日 - 同小鹿既同居生活就咁完結了~ 有種被拋棄既感覺! | | |
| 已經過左一個月啦~~ 我同浩龍已經相識左一個月!!唔知係咪呢一個月成日都見面, 我覺得同佢好似拍左好耐拖咁..... 而小鹿係我道都住得幾ok, 起碼我冇討厭同佢住. 由於佢o岩o岩學人拍拖, 成日問我d好深既問題, "究竟點先可以更加去鍾意一個人??" "點先可以令自己相信有人會好愛自己??" 大佬呀!!! 我真係唔識答..... "點先可以令自己相信有人會好愛自己??" 就呢一個問題, 我琴日問浩龍.... 佢既反應係"做咩你咁問呀?" 我不停問, 佢就不停反問返我.....最後佢都係答左我話 "我相信我自己" 意思即係話如果對自己有自信, 就會相信有人會好愛自己... "咁.....係咪因為自己冇自信既人, 所以唔相信有人會好愛自己?"一講到呢道, 浩龍只係攬住我個頭好實......哈哈~~~其實我都唔係講緊我同佢, 我只不過係代小鹿問下意見~ 不過見到佢呢個反應, 我都好開心.....我明白....將來大家唔知會點, 最起碼我知道現在你很愛我 | | |
|
